Como coidar unha baralla para que che dure anos

Unha baralla plastificada pode durar anos se xogas coas mans limpas e secas, evitas dobrar as cartas ao barallar e a gardas na súa caixa, lonxe da humidade. Para mantela limpa, abonda con pasar un pano seco polas cartas de cando en vez.

Mans limpas, cartas limpas

A graxa dos dedos é o peor inimigo dun naipe: fai que as cartas se peguen e deixen de esvarar. Lava as mans antes de xogar e evita comer pipas enriba do tapete (si, sabemos que é tradición).

Gárdaa na súa caixa

A caixa non é un adorno: protexe da luz, do po e dos golpes. E, se pode ser, lonxe do baño ou da cociña, porque a humidade curva o cartón.

Barallar sen dobrar

O barallado americano no aire dobra moito as cartas. Faino apoiado na mesa ou usa o barallado por riba. Explicámosche métodos en como barallar correctamente.

Limpeza

Un pano de microfibra seco adoita abondar. Se están moi sucias, un pouco de talco repartido e logo retirado devólvelles a capacidade de esvarar. Nunca as molles.

Se se curvan

Ponas debaixo duns libros pesados un par de días. Moitas recupéranse bastante.