As primeiras barallas documentadas en Europa

As primeiras mencións fiables de naipes en Europa sitúanse na década de 1370. Destacan unha referencia catalá de 1371, unha prohibición en Florencia en 1377 e a descrición do monxe alemán Johannes de Rheinfelden, tamén de 1377. Non hai probas sólidas anteriores a esas datas.

Unha aparición repentina

O que chama a atención é a rapidez: en poucos anos falan de cartas documentos de Italia, da Coroa de Aragón, de Francia, de Suíza e de Alemaña. Iso indica que os naipes chegaron xa formados, probablemente desde o mundo mameluco, e se difundiron polas rutas de comercio.

1371: o naip catalán

Nun dicionario de rimas catalán atribuído a Jaume March aparece a palabra naip. É unha das mencións máis antigas de toda Europa. Contámolo en os naipes na Idade Media.

1377: Florencia e o monxe

Florencia prohibiu un xogo chamado naibbe, «acabado de chegar». Ese ano, Johannes de Rheinfelden escribiu un texto no que describe unha baralla de catro paus con figuras de rei e dous oficiais, moi semellante ao que coñecemos.

E antes?

Propuxéronse datas anteriores, pero case sempre por documentos dubidosos ou mal datados. Co que sabemos hoxe, o prudente é falar do último terzo do século XIV. Se che interesa o camiño anterior, le os árabes trouxeron as cartas á Península?